| 臨行
臨行捨不得你走 臨行捨不得放手 原諒我這刻人退後
臨行不想講太多 臨行只想哼句歌 來念記這刻一起走過
如果開心講你知 如何感激講你知 尋夢去結果成故事
難忘真心的靠倚 難忘刻骨的句子 能令我痛哭只此一次
孤單旅程悠然繼續行 孤單時候念著你 孤單時候默念這個晚上
伴著你 講心事 如何不捨都要走 如何不捨都放手
能遇上片刻等於擁有
~~~~~~~~~~~~~~~~~~~~~~~~~~~~~~~~~~~~~~~~~~
距離遠了...
有再見的機會嗎？
下年，大家的路更不同了...
默默的...
|
| |
| 大陸呢排真係好仆街，乜q野都block哂，
xanga無，yahoo新聞都無...facebook睇黎都係遲早既事...
好耐無打過啦！有好多野想記低...
補考過左~學校要忙既野又就黎忙完哂，
而家要煩既就係七月番黎可以開始搵實習...
四月去左廣州廣交會實習，頂佢個肺，七十蚊一日...
m記就四十蚊一個餐，員工飯盒完全唔係人食的...
如果我可以番黎香港做，就差唔多可以有五位數既收入，
但而家，僅有兩成...心痛死了...
那八成換來是很多的朋友，更多的豔遇...
我的將來會如何？ |
| |
| 上年的情人節，還在我的回憶入面，
去左邊，食左乜野，做過d乜......
想不到，隔左364日，做既野竟然可以差唔多，
不過今次到東門係同另外兩個fd，
本來有相可以post，不過post左會比人斬死~
行同一樣地方，食同一間的自助餐廳...
夜晚去左捶骨，人生的第一次~
點解要安排左個岩岩分手既幫我捶呢？
有點怨恨化成氣力施壓在我身上...
捶骨可能不太適合我...
哈哈，傾計可以傾到凌晨五點，
原來我地幾多相似的地方~
好難得訓著，每經過好多個訓得著，
轉移左幾次陣地先可以比我訓著，個時係早上八點幾...
訓左兩個鐘，一家人加我呢個外人去左飲茶~
終於見到傳說中的"表妹"，相我就見得到啦，
真人真係第一次見！
超超超得意呀！
點解個"表妹"咁得意，個"表姐"又會相反既呢？
一開始很害羞，到最後再撒嬌，
哈哈，情人節有你陪真係好~
夜晚番香港去左打波，久違了的朋友，
兩個都仲係咁白痴~
一個開心又難忘既情人節！
 |
| |
| 悶到嘔到無得再嘔啦！
無工番，又唔想洗錢，
日日o係屋企hea，日日做既野都一樣...
真係唔明白d"雙失"係點樣過活~
又到情人節啦~
我記得上一年同過去了的"另一半"過的，
很開心，很難忘，
雖然是過去了，不過偶然回味，歡喜又帶點難過...
今年要自己一個過，真係慘...
隔幾日就番去，呢幾日會好忙，
希望時間過很快d啦~ |
| |
| 本人終於都開左facebook~
真係後知後覺，本來開既目的，
只係為左睇朋友女友的相片~
一開始用真係乜都唔識，睇既都唔明~
慢慢上手，xanga就好似慢慢離手~
朋友講過，xanga係岩一d teenagers用既~
但可惜我已經無左個teen幾年啦，所以應該要轉行~
離開左香港接近三年，每次有聚會都唔係度，
點都會有d唔開心既~
不過今次番黎參加左兩個gathering，算係補番數啦~
打從心底佩服施同學，離開左中學，
不斷努力，尋找自己的興趣，入到degree，
相對我自己既話，自問一定做唔到~
好耐無見過歐陽，亦都好耐先見過大家~
不過好多野都問唔到，我諗應該要約多一次~
唉，上在大陸讀書，比人笑一定少不免，
我都習慣左啦...好似係大陸讀書完全唔係乜咁...
諗番起，真係唔知有咩推動力比我上去讀書，
好彩我而家搵到我要既路，我相信我既成就一定唔比係香港讀書既人低！
上大陸讀書真係要克服好多野，你知道嗎？
不過我一d都無後悔過，因為可以得到一些o係香港不會得到的人和事~
二月中番大陸~ |
| |
